සූර්ය බල ශක්තියෙන් ඉදිකිරීමට යෝජිත ජල ව්‍යාපෘති සඳහා ඇමරිකානු ඩොලර් 400ක්
රට පුරා පානීය ජල ගැටලු පවතින විවිධ ප්‍රදේශවල සූර්ය බල ශක්තියෙන් ක්‍රියා කළ හැකි ජල සම්පාදන ව්‍යාපෘති 20ක් ආරම්භ කිරීමට ජපන් ජාත්‍යන්තර සංවර්ධන අරමුදල එකඟත්වය පළ කර ඇත.මේ පිළිබඳ උසස් මට්ටමේ සාකච්ඡාවක් නගර සැලසුම් ජල සම්පාදන හා උසස් අධ්‍යාපන අමාත්‍ය ශ්‍රී ලංකා මුස්ලිම් කොංග්‍රස් නායක රවුෆ් හකීම් මහතාගේ ප්‍රධානත්වයෙන් අමාත්‍යාංශ ශ්‍රවණාගාරයේ දී පැවැත්වුණි.
මෙම ව්‍යාපෘතීන් පිළිබඳ ව ජපානු ටෙක්නොසිස්ටම් ආයතනය විසින් කරන ලද මූලික අධ්‍යයන වාර්තාවක් රවුෆ් හකීම් මහතාට මෙහි දී පිළිගන්වන ලදී.
එහි දී අදහස් දැක් වූ නගර සැලසුම්, ජල සම්පාදන හා උසස් අධ්‍යාපන අමාත්‍ය මෙම ව්‍යාපෘතීන් කෙටි කාලයකින් කඩිනමින් ආරම්භ කර,අවසන් කිරීමට සැලසුම් කර ඇති හෙයින් කැබිනට් අනුමැතියක් සඳහා අවශ්‍ය පියවර කඩිනම් කරන ලෙසත් ජාතික ජල සම්පාදන හා ජලාපවහන මණ්ඩලය සහ ජාතික ප්‍රජා ජල දෙපාර්තමේන්තුව මගින් ඊට අදාළ ව ගත යුතු පියවර කඩිනම් කරන ලෙසත් නියෝග ලබා දෙන ලදී.
යාපනය දිස්ත්‍රික්කයේ ඩෙල්ෆ්ට් දූපත,අම්පාර දිස්ත්‍රික්කයේ පොතුවිල් සහ පානම, මන්නාරම් දිස්ත්‍රික්කයේ මඩු සහ මුසලි, වව්නියාව දිස්ත්‍රික්කයේ වව්නියා දකුණු ප්‍රදේශය, වෙන්ගලචෙඩ්ඩිකුලම්, ගම්පහ දිස්ත්‍රික්කයේ මීරීගම, ත්‍රිකුණාමලය දිස්ත්‍රික්කයේ ගෝමරන්කඩවල, මොරවැව, කුච්චවේලි, මාතර දිස්ත්‍රික්කයේ මුලටියන, නුවර දිස්ත්‍රික්කයේ උඩ පළාත, මිනිපේ, ගංගා ඉහළ කෝරලේ, කුරූණෑගල දිස්ත්‍රික්කයේ මුන්දලම, පුත්තලම දිස්ත්‍රික්කයේ කල්පිටිය, අම්පාර දිස්ත්‍රික්කයේ පානම යන ප්‍රදේශවල ඉදි කිරීමට යෝජිත ව්‍යාපෘතිතීන් 20ක් සඳහා ඇමරිකානු ඩොලර් මිලියන 400ක් අවශ්‍ය වන බව ඇස්තමේන්තු කර ඇත.
කොළඹ ජපන් තානාපති කාර්යාලයේ පළමු ලේකම් සකාඉ වරටානි මහතාගේ ප්‍රධානත්වයෙන් යුත් ජපන් දූත පිරිස සහ නගර සැලසුම්, ජල සම්පාදන හා උසස් අධ්‍යාපන අමාත්‍යාංශයේ ලේකම් ප්‍රියන්ත මායාදුන්නේ, අතිරේක ලේකම්වරුන් වන ඒ.සී.එම්. නෆීල්, එල් මංගලිකා, ජාතික ජලසම්පාදන හා ජලාපවහන මණ්ඩලයේ සභාපති ඉංජිනේරු කේ.ඒ.අන්සාර්, සාමාන්‍යධිකාරී දීප්ති සුමන සේකර ඇතුළු උසස් නිලධාරීන් සහ ජාතික ප්‍රජා ජල දෙපාර්තමේන්තුවේ අධ්‍යක්ෂ ජනරාල් ජයලත් හේරත් යන මහත්වරු එක් වූහ.
යෝජිත පුත්තලම උසස් තාක්ෂණික අධ්‍යාපන ආයතනයේ ඉදිකිරීම
යෝජිත පුත්තලම උසස් තාක්ෂණික අධ්‍යාපන ආයතනයේ ඉදිකිරීම් සිදුවන තෙක් අවශ්‍ය විෂයන් හදුනාගෙන කඩිනමින් අධ්‍යයන කටයුතු ආරම්භ කරන ලෙස උසස් අධ්‍යාපන අමාත්‍ය රවුෆ් හකීම් මහතා විසින් නිලධාරීන්ට නියෝග දෙනලදි.
ලෝක බැංකු ණය අධාර යටතේ උසස් අධ්‍යාපන සංවර්ධන ව්‍යාපෘතිය යටතේ ඉදිකිරීමට යෝජිත පුත්තලම, මන්නාරම සහ නාවලපිටිය උසස් අධ්‍යාපන ආයතන තුනේ ඉදිකිරීම් කටයුතු කඩිනම් කිරීම පිළිබද උසස් මට්ටමේ සාකච්ඡාවක් ශ්‍රී ලංකා මුස්ලිම් කොංග්‍රස් නායක නගර සැලසුම්, ජල සම්පාදන හා උසස් අධ්‍යාපන අමාත්‍ය රවුෆ් හකීම් මහතාගේ ප්‍රධානත්වයෙන් පාර්ලිමේන්තු පරිශ්‍ර‍යේදී පැවැත්වූ අවස්ථාවේ මෙම නියෝගය ලබාදෙන ලදි.
මෙම අධ්‍යාපන ආයතනය ඉදිකිරීම් වෙනුවෙන් එකකට රුපියල් මිලියන 529 ක් බැගින් අවශ්‍ය බව ඇස්තමේන්තු කර ඇති අතර මන්නාරම සහ නාවලපිටිය ආයතනයන් සදහා අවශ්‍ය ඉඩම් අත්පත් කරගෙන ඇති බවද පුත්තලම තාක්ෂණික අධ්‍යාපන ආයතනයට කරුවලගස්වැව යන ස්ථානයේ රජයේ ඉඩම් අක්කර 20 ක් හදුනාගෙන ඇති බව මෙහිදී පෙන්වා දෙන ලදි.
දැනට ශ්‍රී ලංකාවේ උසස් අධ්‍යාපන ආයතන 19 ක් ඇතත් කුලී ගොඩනැගිලිවල ක්‍රියාත්මක වන නාවලපිටිය අධ්‍යාපන ආයතනයේ සිසුන් 400 දෙනෙකු සහ මන්නාරම ආයතනයේ සිසුහු144 දෙනෙක් ඉගෙනුම ලබති.
තවද කුරුණෑගල, පුත්තලම සහ අනුරාධපුර ප්‍රදේශයේ වෙසෙන සිසුන්ට සෙත සැලසිය හැකි යෝජිත පුත්තලම තාක්ෂණික අධ්‍යාපන ආයතනය ඉඩම් අත්පත්කර ගැනීමට අවශ්‍ය ගැසට් නිවේදනය සහ කැබිනට් පත්‍රිකාව කඩිනමින් සකස් කර ඉදිරිපත් කරන ලෙස ඇමතිතුමා විසින් මෙහිදී උපදෙස් දෙන ලදි.
මෙම සාකච්ඡාවට පාර්ලිමේන්තු මන්ත්‍රීවරුන් වන රංගෙ බණ්ඩාර, චාල්ස් විමලනාදන්, හිටපු පාර්ලිමේන්තු මන්ත්‍රීවරුන් වන එම්.බි. ෆාරුක්, හුසෙන් ෆාරූක්, පුත්තලම දිසා ලේකම් එන්.එම්.එම්. චිත්‍රානන්ද, උසස් අධ්‍යාපන අමාත්‍යාංශයේ අතිරේක ලේකම් ටී.බි.එම්. අතපත්තු, සියෙට් ආයතනයේ අධ්‍යක්ෂ ජනරාල් එන්.එම්.කේ. නවරත්න, කරුවලගස්වැව ප්රාදේශීය ලේකම්, සම්බන්ධිකරණ ලේකම් මන්සූර් ඒ. කාදර් යන මහත්වරු ඇතුලු උසස් නිලධාරීවරු සහභාගී වුහ.
| |
|
| |
Vacancies for Water Supply Projects in NW&SDB.
For more information Click here.....
Write comment (0 Comments)Advertisement for Island-wide School Competition of World Water Day 2019 -
A Water Conservation Program held on 2019.01.10 @ Hapitigama National College of Education - Mirigama
|
|
|
ප්‍රජා ජල ව්‍යාපෘති ශක්තිමත් කිරීමට කඩිනම් පියවර
රට පුරා තිබෙන ප්‍රජා ජල ව්‍යාපෘතීන් ශක්තිමත් කර දුෂ්කර ප්‍රදේශ ජනතාවට පිරිසිදු පානීය ජලය ලබා දීමටත්,තිරසාර සංවර්ධන ඉලක්ක ජයගැනීමටත් කඩිනම් පියවර ගන්නා බව නගර සැලසුම් ජලසම්පාදන හා උසස් අධ්‍යාපන ඇමති රවුෆ් හකීම් මහතා පැවසීය.
ඇමතිවරයා මේ බව පැවසුවේ ජාතික ප්‍රජා ජල සැපයුම් දෙපාර්තමේන්තුව ශක්තිමත් කර ,දුෂ්කර පළාත්වලට ජල සැපයුම් සේවාව වැඩි දියුණු කිරීමේ අරමුණින් ලෝක බැංකු ආධාරයෙන් ක්ෂේත්‍ර නිලධාරීන්ට යතුරුපැදි ලබා දීමේ උත්සවය බත්තරමුල්ල ප්‍රජා ජල සැපයුම් දෙපාර්තමේන්තුවේ දී පැවති අවස්ථාවේදීය.
මෙහි දී දිස්ත්‍රික්ක 25ක සේවය කරන ජාතික ප්‍රජා ජල සැපයුම් දෙපාර්තමේන්තුවේ ක්ෂේත්‍ර නිලධාරීන් 50 දෙනෙකුට යතුරුපැදි නොමිලේ බෙදා දෙන ලදි. යතුරුපැදියක වටිනාකම රුපියල් 2,25000 කි.
එහිදී වැඩිදුරටත් අදහස් දැක්වූ ඇමතිවරයා, මෙසේ ද කීය.ජාතික ප්‍රජා ජල දෙපාර්තමේන්තුව අප අමාත්‍යාංශයේ හුදකලා ආයතනයක් ලෙස පසුගිය කාලයේ පැවතුණා.මේ ආයතනයේ කල හැකි දේ බොහෝයි.ඒ නිසා අප එය අවබෝධ කර ගනිමින්.ජනතාවට සහන සැලසීමට පියවර කිහිපයක් ගත්තා.කලින් පටන් ගත් බොහෝ ව්‍යාපෘති අතරමඟ නැවතී තිබුණා.අපි එම තත්වය වෙනස් කළා. ප්‍රජා මූල සංවිධාන 6000කට අධික සංඛ්‍යාවක් දිවයින පුරා විසිර තිබෙනවා.ඒවායේ ජල මූලාශ්‍ර සිඳී යාමත් සමඟ අඩපණව තිබූ ව්‍යාපෘති රාශියක් නැවත ක්‍රියාත්මක කළා.2030 දී සැමට පිරිසිදු පානීය ජලය ලබා දීමේ ඉලක්කය ජය ගැනීමේ තවත් පියවරක් ලෙස මෙය හැඳින්විය හැකිය.මේ ඉලක්ක ජයගැනීමට අපගේ ප්රාදේශීය කාර්යාලවලට වාහන ලබා දීමට මහා භාණ්ඩාගාරය සමඟ සාකච්ඡා කර විසඳුමක් ලබා ගැනීමට ක්‍රියා කරනවා.ප්‍රජා ජල ව්‍යාපෘති පණ ගැන්වීමටත්,ඒවා කාර්යක්ෂම ලෙස කරගෙන යාමටත් ජල සම්පාදන මණ්ඩලය සමඟ බද්ධ කර තාක්ෂණික මට්ටමේ උදව් උපකාර ලබා ගැනීමටත් කටයුතු කළ යුතුයි.නළ ජලය ඍජුව ලබා දීමට නොහැකි දුෂ්කර ගම්වල ජනතාවගේ අපහසුතා හඳුනාගෙන ඔවුන්ට පිරිසිදු පානීය ජල පහසුකම් ලබා දීම අපගේ සුවිශේෂී අරමුණයි.ප්‍රජා මූල සංවිධාන දිරිමත් කර ඔවුන් ශක්තිමත් කිරීමටත් ඔවුන්ගේ අපහසුකම් සඳහා ආධාර ලබා දීමට ලෝක බැංකුව සමඟ සාකච්ඡා කර සහනදායි ණය මුදලක් ලබා දීමට කටයුතු කරනවා එමඟින් ඔවුන්ගේ ආර්ථික අපහසුතාවලට පිළියමක් ලබා දිය හැකියි.තිරසාර සංවර්ධන අරමුණු ජය ගනිමින් ජනගහනයෙන් ලක්ෂ තිස් පහකට අධික පිරිසකට ප්‍රජා මූල ජල ව්‍යාපෘතිවලින් ජලය ලබා දීමට පියවර ගෙන තිබෙනවා.
නගර සැලසුම් හා ජල සම්පාදන රාජ්‍ය ඇමති ලකී ජයවර්ධන මහතා.
ප්‍රධාන ව්‍යාපෘති මගින් ජලය ලබා දීමට නොහැකි දුෂ්කර ප්‍රදේශවලට පිරිසිදු පානීය ජලය ලබා දීමේ අරමුණින් ප්‍රජා ජල ව්‍යාපෘති රැසක් ක්‍රියාවට නංවා තිබෙනවා.ඉතා දුෂ්කර පෙදෙස්වල ජනතාව ජලය නොමැතිව දුක් විඳිමින් දුර බැහැර ගොස් ජලය සොයා යෑම අප දැක තිබෙනවා.රජයෙන් ලබා දෙන මුදල්වලට වඩා ගමේ ජන සහභාගීත්වයෙන් මේ ව්‍යාපෘති කරගෙන යෑමටත්,එය ඉතා සාර්ථක වීමටත් ලෝක බැංකුවෙන් ලබා දෙන ආධාර උපකාර ඉතා වැදගත්.
එච්.එම්.බී.හේරත් මහතා-
ජනතාවට සුරක්ෂිත පානීය ජලය සපයා දීමේ තිරසාර ඉලක්ක ජය ගැනීමේ අරමුණින් මේ වන විටත් පවුල් ලක්ෂ හතක තිස් පන් ලක්ෂයක පමණ ජනතාවකට ප්‍රජා මූල ජල ව්‍යාපෘති හරහා ජලය ලබා දීම සිදු කරනවා.මෙයින් සිදුවන්නේ නළ ජලය ලබා දීමේ අපහසු ස්ථානවල සිටින ජනතාවට එම ප්‍රදේශයේම ජල මූලාශ්‍රවලින් පිරිසිදු ජලය ලබා දීමයි.අප මේ වන විට මේ ව්‍යාපෘතිය නැංවීමට උපාධිධාරී ක්ෂේත්‍ර නිලධාරීන් 200ක් පමණ යොදවා තිබෙනවා. ඔවුන්ව දිරිමත් කිරීමට ලබා දෙන තවත් එක් කාරණයක් ලෙස මේ යතුරුපැදි ලබා දීම පෙන්වා දිය හැකියි.සෑම දිස්ත්‍රික්කයක්ම ආවරණය වන පරිදි මේ ක්ෂේත්‍ර නිලධාරීන් යොදවා තිබෙනවා. සැලසුම් කර තිබූ ව්‍යාපෘති රැසක්ම අප මාස 3ක් ඇතුළත සියයට සීයක්ම අවසන් කර තිබෙනවා.
පාර්ලිමේන්තු මන්ත්‍රී එස්.එම්.තෞෆික්,නගර සැලසුම් හා ජල සම්පාදන හා උසස් අධ්‍යාපන අමාත්‍යාංශ ලේකම් ප්‍රියන්ත මායා දුන්නේ,අතිරේක ලේකම් ඒ.සී.එම්. නෆීල්,ඇමතිවරයාගේ පෞද්ගලික ලේකම් එම් නයිමුල්ලා,සම්බන්ධීකරණ ලේකම් එහ්මන් මන්සූර්,ලෝක බැංකු ව්‍යාපෘතියේ අධ්‍යක්ෂ එන්. යූ.කේ.රණතුංග මහත්වරු ද,උසස් නිලධාරීහු දමේ අවස්ථාවට එක් වූහ.
නගර සැලසුම් හා ජලසම්පාදන රාජ්‍ය අමාත්‍ය සහ නගර සැලසුම්, ජලසම්පාදන හා උසස් අධ්‍යාපන ලේකම් වැඩ භාර ගැනීම
නගර සැලසුම් හා ජලසම්පාදන රාජ්‍ය අමාත්‍ය ලකී ජයවර්ධන මහතා අද දින (26) සිය අමාත්‍යංශයේ පිරිත් සජ්ජායන මධ්‍යයේ වැඩ භාරගත් අවස්ථාව සහ නගර සැලසුම්, ජලසම්පාදන හා උසස් අධ්‍යාපන ලේකම් වශයෙන් අභිනවයෙන් පත්වූ ප්‍රියන්ත මායාදුන්න මහතා අමාත්‍ය රවුෆ් හකීම් මහතා ඉදිරිපිට වැඩ භාරගත් අවස්ථාවන් ඡායාරූප වලින් දැක්වේ.
නගර සැලසුම්, ජල සම්පාදන හා උසස් අධ්‍යාපන අමාත්‍ය රවුෆ් හකීම් මැතිතුමා වැඩ භාර ගැනීම
මෙම අවස්ථාව සඳහා පූජ්‍ය දඹර අමිලහිමි, පාර්ලිමේන්තු මන්ත්‍රීවරුන් වන ඒ.එච්.එම් ෆවුසි, ෆයිසර් කාසීම්, එම්.අයි.එම්.මන්සූර්, අලි සාහිර් මවුලානා, එම්.එස්. තවුෆික්, හිටපු නැගෙනහිරි පළාත් මහ ඇමති හාෆිස් නසීර්, ලේකම්වරුන්වන වසන්ත හපුආරච්චි සහ පද්මසිරි ජයමාන්න, විශ්වවිද්‍යාල ප්‍රතිපාදන කොමිෂන්සභාවේ සභාපති මහාචාර්ය මොහාන් ද සිල්වා, මහාචාර්ය චන්ද්‍රගුප්ත තේනුවර, ජාතික ජලසම්පාදන හා ජලාපවාහන මණ්ඩලයේ සභාපති කේ.ඒ .අන්සාර් මහතා, පෞද්ගලික ලේකම් එම්.නයමුල්ලා ඇතුළු විශාල පිරිසක් ද සහභාගී වූහ.
A Water Conservation Program - held on 2018.11.29 @ Sariputta College of Education - Nittambuwa
| |
|
|
නිල්වලා ජාතික අධ්‍යාපන පීඨයේදී පානීය ජල සංරක්ෂණය පිළිබඳ වැඩමුළුවක්
ජාතික ජල සම්පාදන හා ජලාපවහන මණ්ඩලය විසින් දීපව්‍යාප්තව ජාතික අධ්‍යාපන පීඨ මට්ටමෙන් පවත්වනු ලබන තවත් එක් වැඩසටහනක් පසුගියදා (2018.11.18) නිල්වලා ජාතික අධ්‍යාපන පීඨයේදී පැවැත්විනි.
පීඨාධිපති වී. පී. ආර්. ගුණවර්ධන මහත්මියගේ ප්‍රධානත්වයෙන් හා ප්‍රමුඛාචාර්ය දීපා සමරසිංහ මහත්මිය, සම්බන්ධීකරණ කථීකාචාර්ය (අධ්‍යයන) ඩබ්ලිව්. කේ. ලියනගේ මහතා සහ නේවාසිකාගාර පාලිකා කථීකාචාරණී හිරන්ති පනාගොඩ මහත්මියගේ විශේෂ සහභාගීත්වයෙන් පැවති මෙම වැඩසටහනට ගුරු ශිෂ්‍ය ශිෂ්‍යාවන් 500 ක් පමණ සහභාගි විය. ජල පවිත්‍රීකරණය හා ජල ප්‍රමිතීන්, ජල පුරාණය හා අනාගත ජල අභියෝග සහ පානීය ජලය මිල කිරීම හා ජල සංරක්ෂණ ක්‍රමවේදයන් මැයෙන් යුත් දේශන සඳහා සම්පත් දායකයින් ලෙස සරත්චන්ද්‍ර මුතුබණ්ඩා මහතා, හේමන්ත අබේකොන් මහතා සහ චමිලා දුල්ශිකා මහත්මිය දායක වූහ. (ඡයාරූප - එන්. ටී. ජයතුංග)
| |
||